Traballar no que te apaixona é posible

A subtitulación é unha das miñas principais especialidades e unha paixón que me acompaña dende os meus primeiros pasos na tradución audiovisual. Ó longo de máis de quince anos fun desenvolvendo e perfeccionando o meu traballo en subtitulación interlingüística e intralingüística, accesibilidade para persoas xordas ou con perda auditiva e adaptación de contidos para públicos diversos.

Traballei en cine, plataformas de streaming, televisión e festivais, participando en estreas para Netflix e Amazon Prime, así como en subtitulación en directo para TVE mediante técnicas de respeaking. Coñezo en profundidade as normativas de accesibilidade (UNE 153010:2012) e adapto cada proxecto ás necesidades técnicas e comunicativas de cada cliente, cun obxectivo claro: que os contidos cheguen a todas as persoas sen perder matices, ritmo nin emoción.

Amor polos idiomas e atención ó detalle

Ofrezo servizos de edición e revisión de textos en galego e castelán, cunha ollada experta e coidadosa que vai moito máis alá dun simple corrector automático. O meu traballo baséase en entender o ton, o estilo e o obxectivo de cada texto para que soe natural, fluído e coherente para o lector final.

• A edición permite mellorar a estrutura e a claridade do texto.

• A revisión céntrase en puír aspectos gramaticais, ortográficos e de puntuación.

Sexa cal sexa a túa necesidade, adáptome a ela para ofrecer un resultado final coidado, claro e profesional.

Precisas ter por escrito un vídeo ou audio? Axúdoche!

Ofrezo servizos de transcrición en galego e castelán, con especial atención ós distintos acentos, ó contexto e á corrección lingüística. As transcricións son útiles en ámbitos moi diversos: procesos legais, proxectos audiovisuais, tradución de contidos ou mellora da accesibilidade en webs e plataformas dixitais.

Podo entregar a transcrición como texto continuo ou con códigos de tempo e asignación de falantes, segundo as necesidades de cada proxecto, sempre cun resultado claro, preciso e profesional.